أول يوم العيد الزوج القاسي
اول يوم العيد جوزي خلاني اوطي ابوس رجلة عشان يرحمني و يبطل ضرب فيا لكن بدل ما اصعب علية ويسبني عمل فيا اللي لا يمكن حد يتوقعة ابدااا ....
جوزي اتخانق معايا اول يوم العيد عشان مكملتش ترويق الشقة رغم اني كنت لسة قايمة من تعب عملية الزايدة اللي لسة عملاها من اسبوع بس ضغطت علي نفسي وقومت اروق هو رجع من برا ولاقاني لسة بروق اعد يزعق ويتخانق قولت خناقة زي كل عيد وزي اي بيت وهتعدي لكن مكنتش اعرف ان الخناقة المرة دي مختلفة.....
اول ما دخل شاف الشقة وشة اتقلب قالي لسة مخلتصيش انتي اية معندكيش دم البعيدة صلاة العيد كمان كام ساعة وانتي حاطة علي قلبك مرواح ومقعدنا في خرابة الستات كلها هلصت بيوتها وانتي ست معفنة.....
رديت علية وقولتة بعمل علي اد ما اقدر انا العملية وجعاني وبتحرك بالعافية كتر خيري اني قومت وانا لسة عاملة عملية مكملتش اسبوع رد عليا بكل عصبية وقالي بتعملي ايه زيادة عن اي ست ما كل الستات بيعملوا كدا واكتر لكن حظي المنيل وقعني في واحدة زيك قولتلة حرام عليك دا انا يتيمة ومعنديش اللي يساعدني وانا طول ما انا عيانة انت كنت سايبني مكتتش بتناولني حتي بوق الماية وكنت بتسبني وتروح الشغل ومكتتش بقدر اقوم اكل نفسي كنت بستناك لما ترجع عشان تناولني الدوا ولما تسالني عملتي اكل اقواك مش قادرة اقوم تنفخ في وشي وتروح تعمل اكل لنفسك وتسبني ميهونش عليك تقولي كلي عشان الدوا اللي بتاخدية وعشان جرحك يخف مع اني كنت محتاجة تغذية بس انا حمدت ربنا وسكت وانا خلصت الكلمتين دول ولاقيتة عينة احمرت وقام وهو بيزعق وبيرميني بكلام جارح وشتايم وبيقولي انتي مبيطمرش فيكي حاجة ابدا مش تحمدي ربنا اني وديتك المسشفي لما تعبتي ووقعتي ولما قالوا لازم تدخل عمليات دلوقتي دفعتلك فلوس العملية غيري كان سابك تموتي لكن انتي صنف مبيطمرش فيه المعروف قولتلة كتر خيرك انت ابن اصول......
لاقيتة بيقولي بتتريقي انا غلطان اني عملت معروف فيكي قولتلة مش بتريق انا بشكرك اية الغلط اللي قولتة.....!!!
بقي عمالة تقولي سايبني من غير اكل ومطلعاني وحش وتقولي مقولتيش حاجة واعد يزعق ويشتم فيا وانا ساكتة ولما لاقاني عمالة اكمل ترويق عشان ارضية واتقي شرة راح جايبني من شعري وقالي وكمان مش محترماني وعمالة تروقي بكل برود......
وراح اعد يضربني بلا رحمة وكاني راجل قدامة معملش حساب اني لسة قايمة من عملية ولا كان في قلبة رحمة دا انا لو عدوتة مش هيضرب فيا بالقسوة دي لحد ما خلي وشي وجسمي كله علامات زرقا وورم في كل حتة بقيت اجري منة وانا مش قادرة بس الخوف والوجع من كتر الضرب خلوني اجري عشان احاول استخبي منه واقولة بصوت مهزوز كله عياط وقهر طيب انا عملت اية عشان كل دا
وطيت علي رجلة بوستها بعتقني لوجة الله ولو انا غلطانة انا اسفة بس يسبني وكفاية ضرب فيا تعبت....
زقني برجلة وقعني وضربني بالرجل في جنبي اللي عاملة فيه العملية وفاجأة بعد الضربة لاقيت نفسي مش قادرة اتحرك وببص علي جنبي لاقيت........
انجى الخطيب
.......... ببص علي جنبي لاقيت جرح العملية اتفتح، وبقعة دم غامقة وساخنة بتكبر بسرعة وبتعلم في لبسي وبتسيل على الأرض. الألم كان عامل زي سيخ حديد محمي بنار ونزل في جنبي، صرخت صرخة مكتومة من كتر الوجع، النفس اتكتم في صدري وحسيت إن روحي بتطلع.
هو تنح ثانية، عينه زغللت وبص للدم اللي على الأرض، للحظة قولت قلبه هيحن وهيلحقني، لكن ملامحه اتقلبت لغل وجحود عمري ما شوفته في بشر. وطي عليا ومسكتي من قفايا وهو بيجز على سنانه وقالي بتتمارضي يا روح أمك؟ فاكراني هخاف والِمّ عليا الناس في أول يوم العيد؟ قومي فزي بلا سهوكة ستات!
حاولت أتكلم، شفايفي كانت بتترعش وصوتي طالع حشرجة بموت.. الحقني يا أحمد.. الجرح اتفتح.. بموت.
ضحك ببرود يقشعر له البدن، وسابني وراح قعد على الكنبة، حط رجل على رجل وولع سيجارة وبصلي بكل قساوة وقالي موتي.. أحسن برضه عشان أرتاح من قرفك ومصاريفك، غوري في داهية. وبمنتهى الوجع والكسرة، لاقيت نفسي بزحف على الأرض وبسحل جسمي ورايا وأنا بنزف، بحاول أوصل لباب الشقة عشان أستنجد بالجيران، وهو قاعد يتفرج عليا ويشرب سيجارته كأنه بيتفرج على فيلم سينما، لحد ما عيني غيمت والدنيا اسودت في وشي ووقعت مغمي عليا وأنا مش سامعة غير صوت تكبيرات العيد في الميكروفونات بتاعة الجوامع برة.
..........
فقت بعد وقت مش عارفة قد إيه على مية ساقعة بتدلق على وشي بتطير معالم الغيبوبة اللي كنت فيها، فتحت عيني بالعافية لاقيته واقف فوق راسي وماسك جردل المية في إيده، وبصوت واطي ومكتوم قالي فزي خلصي، مش هتقضيلي العيد في المستشفيات والناس تقول عمل فيها إيه.. قومي اِلِمي النَّفَس اللي فاضلك ده وادخلي الحمام اغسلي قرفك وداوي جرحك، وقدامك نص ساعة بالظبط لو أهلي جم ولاقوا الشقة بالمنظر ده أو وشك فيه حاجة، هكمل عليكي ومحدش هيرحمك مني.
كنت شايفة الدنيا بتلف بيا، والوجع في جنبي واصل لدماغي، بس الخوف من الموت تحت إيده أداني طاقة مرعبة.
